脆皮猪手@星廚

位置不方便, 由長沙灣地鐵站行去大約花10分鐘, 鋪面跟普通茶記無異, 不是有朋友食過推介佢地既脆皮猪手, 相信我也不會主動來吃. 

脆皮猪手套餐 $108? 咁抵, 點都要試。

 

每檯附芥末醬及陳醋

餐湯 : 南瓜忌廉湯

一點不馬夫, 足料南瓜, 南瓜湯清甜, 還保留少少南瓜粒增口感, 忌廉落得不多, 渴光不漿口, 也不膩, I like it。

大蝦黑松露意粉 ($63/包餐湯及餐飲)

沒想過茶記格局的意粉賣相也不錯呢,大蝦爽脆, 終於不是鮮蝦, 鮮甜度欠奉, 黑松露醬落得重手, 意粉亦有嚼口, 不是我討厭腍腍的, 成碟意粉味道清爽, 這是朋友叫的主菜, 她嫌黑松露味不特出, 沒有黑松露味獨有的石油汽味, 我跟她說, 高級黑松露醬你知要多少錢 100g 嗎? 我在別家餐廳吃一球有石油汽味的黑松露雪糕要 $68, 你這個連主菜包餐湯及餐飲只須 $63, 還不用加一呢? 人家做生意也得計成本吧 

烤焗咸豬手配自家酸椰菜 ($108/包餐湯及餐飲, 另加薯菜+$15)

上檯睇到眼都凸埋, 大隻到傻,猪手即叩即焗,要等約20-25分鐘, 趕時間不要叫好了。

那個猪手皮脆到不得了, 跟我在赤柱美利樓吃的焗猪手不相白仲, 但這裡 $ 只是其 1/3, 豬手肉鹹香夠 juicy, 就算中間的瘦肉部份也絕不嚡口, 還有那些充滿骨膠原的滑溜猪根, 成隻猪手都好味道, 完全食不出雪藏猪味, 酸椰菜是老闆自家醃制, 酸度甜度中性, 配猪手吃可減油膩感。

不過我同朋友最欣賞是每檯附送的陳醋, 陳醋杰得似蠔油, 不搶喉, 卻醋味十足, 用來點猪手肉吃, 絕配, 成碟陳醋一滴不留, 我問老板娘可否外賣? 她說不可。

加配薯菜其實可免, 猪手正常一個女士是不可能吃得晒, 2個人分享再加一個意粉剛剛好了。

PS 上星期收到朋友話星廚因加租 closed , 真可惜.