2009年2月28日 星期六

金融海嘯真的來臨了

感覺到金融海嘯真的迫近了, 今天跟舊同事飲茶, 才知道全公司同事都被遺散了, 2月份薪金還沒出呢! 我只是搬離公司一星期而已, 想不到變化如此的大, 一間集團式的公司, 話執就執, 幸好同事們都沒異樣, 像以前般談笑風生, 或許大家都有了心理準備吧. 在這大時代裡, 有份工在手的你和我, 都要有這份危機感, 失去了工作的你, 亦不要看得太灰, 留得青山在, 那怕無柴燒, 風雨過後, 太陽總會出來的

2009年2月8日 星期日

鹿頸- 鳳坑–谷埔

行程 : 3小時

難度 : * (最難行五粒星)

交通 : 粉嶺火車站美心快餐出口, 行去隔離小巴站轉乘56K號小巴, 在鹿頸總站下車 (車程 20 分鐘)  

路線 : 鹿頸 鳳坑 谷埔 (盈生農莊午膳) – 鹿頸

簡介: 谷埔村位於沙頭角海東岸, 途經鳳坑村, 谷埔環山抱繞, 村谷廣闊而耕地良多,村內有小山澗沿村而上, 村內相信己十室九空。

56K號小巴, 在鹿頸總站下車後在車路往前走.

原來在谷埔往前行 1 1/2小時便可到荔枝窩, 亦可選擇其他路線.

今次行程沿海邊行, 景觀不錯, 亦毫無難度, 適合帶埋老人家同小朋友出外呼吸一口新鮮空氣.

途中可落海岸濕地看看植物, 要在早上看, 下午回程時己潮漲, 植物差不多被水蓋面.

期間又見有村婦在淘蠔, 我們又大驚小怪地向村婦問個不休, 今天她的收獲不錯喔.

由鹿頸行半小時使到鳳坑村, 有點可惜的是--沒有入村內走一轉.

再行20分鐘左右便到達 宋伯山水豆腐花”, 沒預備午膳的人, 可在此攪掂, 飲品食物不貴. (豆腐花 $8, 豆漿 $6, 咖啡奶茶 $12, 三文治 $12及很多糕點)

盈生農莊在 宋伯山水豆腐花向右轉入谷埔村內, 即在這坐啟才學校向前行.

路旁的水澗無臭味.

10分鐘便到達今次午膳的地方--盈生農莊, “農莊好似好勁, 以為有農作物及小動物之類, 實情只是 3 間小石屋, 不過環境都OK, 在樹蔭下用膳, 食飯檯.椅仲十分復古.

黃酒土雞 好味 (我本身鍾意尼味餸)

蠔炒蛋 好味 (不過有人認為可能不乾淨), 其實本地村婦都淘來吃, 應該問題不太吧, 我覺得幾鮮味 (可能我要求低)

雞湯煮魚標 (HK$200) – 有點不值, 味道是OK , 只是不知貴在那裡

蒸魚 我又鍾意, 隔離檯彈到一文不值, 但我又食到光光的, 一點肉都沒吃剩.

食飽後, 吹完一輪水, 行數分鐘去睇小瀑布”, ..而缺水, 沒什麼觀賞價值, 拍張照好過.

牛牛十數隻在海邊晒太陽.

回程時, 小植物己被水浸了一半以上.

盈生農莊-客家菜食評 :

食物以蒸.煮為主, 味道亦較清淡, 沒有煎炸味濃食物, 我反而幾喜歡-食本身食物的味道,  $1200 /9碟餸 (其中4碟疏菜為主) 12人食用, 食物是夠食的(我地個檯),  只是有點貴,  $800/12人就差不多, 今次每人100, 對我而言 OK, 在香港是特別體驗, 在郊外開檯食飯, 似食了一餐農家飯, 係發哥同三哥(苗僑偉) 都去食的農家飯(點解我地知, 老闆勁 hard sell 囉).

盈生農莊

地址 : 沙頭角谷埔村 4

訂飯電話 : 26799282 (一位起, 食什麼?? $ ?? 訂時自己問清楚)

2009年2月7日 星期六

湯丸慶---元宵

元宵隹節又快到了, 預祝各位人月兩團圓.

芝麻湯丸

材料 : 糯米粉, 芝麻糊粉/花生粉/曲奇朱古力, 薑糖,

          桂花.

需時 : 20 分鐘內

先煲薑茶, 沒有薑糖可以用黃糖加薑煲水15分鐘, 得薑茶, 不喜歡桂花可以不加.

芝麻糊粉可用樽裝芝麻漿代替, 先將芝麻漿放冰格雪硬, 切粒. 試過用做曲奇的朱古力,樽裝芝麻漿及芝麻糊粉, 曲奇朱古力最好食, 其次係樽裝芝麻漿.

用白開水開糯米粉, 水逐少許加, 直至糯米粉成粉團可以磋成湯丸.

芝麻糊粉袋剪開小孔.

倒芝麻糊粉入湯丸內, 磋成湯丸.

將所有整好湯丸放入薑茶內煲5-8分鐘, 視乎湯丸大小, 直至湯丸半透明.

大功告成, 食得.

好易整, 幾時想食都得, 20分鐘攪點, 又無防腐劑, 食得安心又放心.

2009年2月1日 星期日

沙田至深水埗

行程 : 5小時

難度 : *** (最難行五粒星)

交通 : 沙田圍港鐵站行去馬鞍山郊野公園入口

路線 : 馬鞍山郊野公園獅子山郊野公園--獅子山山頂深水埗

沙田圍港鐵站行去馬鞍山郊野公園入口

頭半小時樓梯上山

約行1 1/2小時到達獅子亭

休息一陣, 行上獅子山郊野公園.

沿途都幾好行

可選擇行上獅子山山頂或直接落山, 我未行過上去, 所以選擇行上去.

你估這是什麼??

途中都遇到多隻猴子

 

半小時後, 終於上到山頂.

沙田全景

落到深水埗啦, 即有野食.

同行伴食完茶餐後, 行去深水埗港鐵站坐地鐵, 突然想起好想食, 但一直未有機會食的豬膶面”, ……下午4點幾竟然都排長龍.

豬膶好好食, 之但係>>>>>面好好難食

今次行程幾好行, 天氣清爽, 路亦易行,  經過今次之後, 以後去行山不論長短都要帶備乾糧, 今次肚仔勁打鼓, 12.00pm 打到 3.30pm 先有得食, 勁肚餓.